17.mai-Feiring på Finsehytta

Bli med på ei 17-mai feiring utanom det vanlege i unike omgivelsar på Norges tak. Me på Finsehytta inviterer til eit fullt program med alt frå 17. mai-tog til Hardangerjøkulen til koldtbord med fantastisk mat på Finsehytta.            

17. mai må opplevast på Finse. På grunnlovsdagen brer det seg ein heilt spesiell stemning over det vetle samfunnet her på Finse. Dagen startar klokka 8:00 med flaggheising og "Ja, vi elsker" utanfor Finsehytta, etterfylgt av vår gode frukostbuffet frå 08:00 til 10:00. Deretter er det klart for det tradisjonelle 17.mai-toget oppover mot Jøkulhytta på Hardangerjøkulen. Eit 17.mai-tog med flagg og ein god blanding menneske med både bunadar og sportsklede. På Jøkulhytta steller Finse Røde Kors i stand ei enkel servering med varm mat og drikke. Deretter er det mogeleg å renne ned igjen til Finse, eller å gå den litt lengre Jøkulrunden for dei som ynskjer det.

Vel nede igjen på Finse vil Finsehytta i samarbeid med Finse 1222 og Hardanger Åtgaum (2018) stelle i stand feiring utanfor Finsehytta, med Jøkulen som bakteppe. Middagsbuffet i ekte nasjonalstil serverast utover ettermiddagen.

Dei som ikkje har bestillt opphald på Finsehytta 17.mai, kan og bestille buffet, men det må førehandsreserverast då me kun har 200 plassar. Pris for buffet: 420,00 kr voksen/ungdom, 295,00 kr barn

Me kjem tilbake med program når det nærmar seg.

Hjarteleg velkommen!

Bestill opphald til 17.mai på finsehytta@dntoslo.no. Reservasjon er med full pensjon: 3-retters middag/ buffet på 17.mai, frokost, niste, påfyll av termos og dusj. Me er kun open for førehandsreservering.


Se dette innlegget på Instagram

Gratulerer med dagen Norge! #finsehytta

Et innlegg delt av Finsehytta DNT (@finsehytta)